Mopedbil i grøfta for å unngå buss
Usemje mellom bussjåfør og jente i mopedbil.
Søndag formiddag klokka 14 gjennomførte politiet ein trafikkontroll i 70-sona på E39 Halhjemsvegen.
20 førarar blei kontrollerte for promille utan at det blei noklre utslag.
10 forenkla forelegg blei gitt for fart, der høgaste fart var 95 km/t i 70 sona.
Det resulterte i eit forelegg på 9.100 kroner og 3 prikkar.
Seinare på dagen, cirka klokka 16, blei det funne ein ryggsekk utanfor YX. Sekken var merkt og rett eigar vil bli kontakta av politiet.
Søndag kveld litt over klokka 22 hamna ein mopedbil i grøfta.
Politiet informerte først at episoden skjedde i Mobergsbakken, men har nyleg retta i tråd med Midtsiden sitt vitne, som fortel at det skjedde i 80-sona på E39 Halhjemsvegen, mellom Liafjellstunnelen og Svegatjørn.
Mopedførar, ei jente i tenåra, forklarte at ho køyrde ut i grøfta for å unngå å bli påkøyrd av ein buss.
Begge hadde retning Svegatjørn, og bussen skal ha prøvd å køyra forbi mopedbilen. Då det kom bil imot skal den ha pressa mopedbilen i grøfta.
– Det blei ein diskusjon mellom førarane, og fornærma ville ta kontakt med politiet på dagtid etter helga, dersom dei ikkje blei eininge, fortel politioverbetjent Anne Lyssand.
