Monster og Zombie
Når bygdekinoen startar haustsesongen på sundag er det teiknefilmen Monsteruniversitetet og action med Brad Pitt i World War Z som står på programmet.
Det er to kritikerroste filmar som startar haustsesongen på bygdekinoen i Oseana.
Først ut er Monsteruniversitetet, som har fått fleire femmarar på terningen. Filmen byggjer på heltane frå Monsterbedriften.
Mike Wazowski og James P. Sullivan er eit uatskillelig par, men sånn har det ikkje alltid vore.
Heilt sidan Mike var eit lite monster har han drøymt om å bli ein Skremmar. Og han veit betre enn nokon at dei beste Skremmarane kjem frå Monsteruniversitetet MU. Men i løpet av sitt fyrste semester ved MU blir Mike sine planar spolert. Då møter han på hotshot'n James P. Sullivan, eller Sulley som han blir kalla, som er eit naturtalent av ein Skremmar.
Duoen sitt ukontrollerbare konkurranseinstinkt gjer at begge blir sparka ut av universitetet sitt Elite Skremme Program. Og om ikkje ting var gale nok, så innser dei at dei må samarbeide i lag med ein merkeleg gjeng av mislukka monster dersom dei nokon gong skal håpe på å gjere ting riktige.
Filmen har aldersgrense 7 år.
World War Z
Denne sommaren kjempar ein mann mot tida, i det han forsøkjer å foreine ei splitta verd, som står på kanten av dommedagsstupet.
Når ein zombieepidemi bryt ut og sprer seg lynraskt gjennom verdas befolkning, får FN- observatøren Gerry Lane (Brad Pitt) i oppdrag å finne ut kva som var årsaka til det fyrste utbrotet. I eit intenst kappløp med tida må han reise frå kontinent til kontinent på jakt etter svaret, medan det endå finnast håp for menneskeheita. Kvar einaste folkegruppe, kvart våpen og kvar armé må foreinast. For det einaste håpet om overleving er å kjempe tilbake.
World War Z er basert på den bestselgande romanen med same navn, av Max Brooks.
Filmen har aldersgrense 15 år. Born over 12 år kan sjå filmen saman med ein vaksen.