Mista mor og far
Tre ungar mellom 11 og 16 år blei lettare skadd i ulykka i Fusa søndag, der begge foreldra døydde. Politiet går no ut med namn på dei omkomne.
Det var i 15-tida søndag ettermiddag at det kom melding om ei alvorleg trafikkulykke på fylkesveg 48 mellom Tysse og Eikelandsosen, på Fusa-sida av kommunegrensa, rett sør for Sævellevatnet.
Fleire sat fastklemt etter ulykka, der først éin, så to blei stadfesta omkomen.
Det var Marit Elisabet Tuft (45 år) og Jon Jelmert (60 år), begge busett i Strandvik i Fusa kommune, som omkom i trafikkulykka.
I bilen sat også dei tre borna deira, som ifølgje BT.no er mellom 11 og 16 år. Dei blei lettare skadd.
I den andre bilen sat ei 67 år gamal kvinne og ein 71 år gamal mann, også dei blei lettare skadd.
Politiet i Fusa melder at pårørande er varsla og har samtykka til at namna blir offentleg.