Melder regn og kuling den første veka i 2022

Vi gjekk inn i det nye året under stjerneklar himmel nyttårsaftan, i lettare vêr enn det som var meldt, og etterfølgd av litt vind i luggen gjennom langhelga.

Dei neste dagane skal vindstyrken auka.

Både Yr og Storm melder oppunder 7 m/s vindstyrke frå sør og vest måndag og 8-11 m/s tysdag.

Det er venta sterkast vind ytst i fjorden.

Både måndag formiddag og heile tysdag kjem det nedbør. Temperaturen skal halda seg på 4 til 7 plussgradar.

Onsdag er det meldt lettskya og rundt null gradar.

Torsdag er det venta 2 minus og opphaldsvêr. Fredag kan det koma snø.

Kan opna for kveldskøyring

I Eikedalen er det venta snø både måndag, tysdag og fredag.

Eikedalen hadde sesongstart med ope barneområde 2. juledag.

Om dei er heldige med nedbørsmengdene dei neste dagane kan dei opna fleire heisar, også for kveldskøyring, i løpet av veka.