Melder kraftige vindkast onsdag

Mens stormen «Ingunn» herjar i Nord-Norge er det venta kuling på Vestlandet.

I Os skal vindstyrken auka utover onsdag formiddag, og nå liten kuling i styrke etter lunsj.

Vinden skal opp i over 13 m/s frå 17-tida og utover kvelden, frå sør på dagen med dreiing til vest på ettermiddagen.

Det er meldt 4 til 6 plussgradar og regn frå 10-tida til rundt klokka 18. Det er òg venta nokre byger utover kveld og natt, og noko av nedbøren natt til torsdag kan koma som sludd eller snø.

Det er meldt lettskya og svakare vind torsdag, men regn igjen på ettermiddagen og heile fredag.

• Sjå detaljert vêrmelding for Osøyro på VG Pent