Med frå start til slutt

Søfteland Rock n' LOL har bestemt seg for at i år blir siste gongen med den populære festivalen på garden til Olav Valle.

– Men vi gjer oss ikkje uten eit program med skikkeleg trøkk i, seier Andreas Lindborg i det han presenterar dei to siste banda som har kome til på spelelista.

Krakow

Krakow har mellomanna turnert med Enslaved og kom med plate i fjor som har fått gode mottakingar. Dei mottok nyleg kulturstipend frå Bergen Kommune.

– Det er fett å avslutta festivalen med eitt av banda vi hadde heime i hagen.

– Mykje har skjedd med Krakow sidan den gong, men det har gått i riktig retning for dei hele vegen.

– Dei spelar det eg vil kalla seig metal. Utruleg kult og fett å høyre på, men kanskje litt sært for nokre, forklarar festivalsjefen.

The Good The Bad and The Zugly

Tidleg turbonerger og punkrock er det ein kort oppsummert kan venta seg når The Good The Bad and The Zugly avsluttar i teltet fredagen.

– Eg høyrde først om dei i fjor sommar.

– Dei kom med plate no i feburar og treff meg j..... bra. Det er så utruleg kult.

Kjem tre til

Framleis har Lindborg fleire godbitar han skal sleppa.

– Vi har framleis ikkje offentleggjort kven som spelar i teltet midt på fredagen og kven som får gleden av å avslutta der på laurdagen.

– Kven som opnar showet laurdagsettermiddag er og ei godt bevart hemmlegheit, smilar Lindborg lurt.

– Kortid slepp de dei då?

– Når vi får lyst, kjem det med eit enkelt skuldertrekk.

Les òg:

Lars Vaular til Rock n' LOL

Nytt samarbeid - nye band

Eirik lager familiefest