– Med dei største talenta

Onsdag 10. april inviterer Bergen Filharmoniske orkester (BFO) til "De unges konsert" for 75. gang.

– Det er eit fantastisk prosjekt, som har fått ein heilt spesiell plass i musikkmiljøet, fortel nytilsett direktør Ole Tobias Lindeberg ved Oseana.

Audition i heile Skandinavia

De unges konsert er konseptet der fem unge talent får spela saman med fullt symfoniorkester.

– Saman med Ungdomssymfonikerne på Elverum er dette den store hendinga for unge musikktalent innan klassisk musikk.

– Det er faktisk slik at om BFO er seine med å senae ut invitasjonen til prøvespelinga så ringer institutta som Barrat Due og dei andre for å høyra kor tid prøvespelinga blir.

– I år er det 75. gongen BFO inviterar talent over heile Skandinavia til å prøvespela for ein av dei fem plassane i konserten.

– Nær 100 musikarar møtte opp til ei av prøvespelingane, så juryen hadde ei vanskeleg oppgåve då dei skulle plukka ut vinnarane, smiler Lindeberg.

Pianist frå Bergen

Prøvespelingane gjekk føre seg i København, Stockholm, Oslo og Bergen. Ei av dei som kvalifiserte seg i fjor var Ingrid Søfteland Neset.

– I år klarte pianist Christian Sommerfeldt frå Bergen å koma gjennom nålauget.

Sommerfeldt har allereie besøkt Oseana då han spelte i Griegsamlinga under opninga av kunstutstillinga 16. mars.

Sjå video frå Sommerfeldt sin konsert her.

Dei andre unge solistane som deltar på premiera i Oseana er Ludvig Gudim (fiolin), Daniel Paulsen (slagverk), Nadia Kalmykova (fiolin) og Antonio Hallongren (cello).

Publikumspris

Sjølv om solistane allereie er vinnarar, etter å ha klart nålauget gjennom prøvespelingane, får publikum også sitt å seia.

– Vi kjem til å dela ut Kavli-fondet sin publikumspris under konserten på Oseana.

– Folk må ta med seg mobiltelefonen for å stemma på den av talenta dei liker best, avsluttar Lindeberg.