MC-ulykke på Strøno

Fredag litt før klokka 17 kom det melding om MC-ulykke på Strønevegen.

– Då vi kom til staden var helsepersonell på plass. MC-førar var bevisst og fekk hjelp på staden før han blei frakta vekk i ambulanse, fortel politiet.

Førar er ein ung mann. Han blei køyrd til Haukeland universitetssjukehus.

Skadeomfang er uvisst, men han skal ha hatt smerter i ei skulder.

Singelulykke

Ulykka skjedde nær krysset mellom Strønevegen og Lønnevågvegen.

– Det var ingen andre køyretøy involvert. Førar hadde heller ikkje passasjer på sykkelen.

Politiet gjer undersøkingar på staden. Dei fekk ikkje tatt forklaring frå førar, og det er uvisst kva som var årsaka til ulykka.