Lokal | 19. sep. 2020
MC-førar til sjukehus med luftambulanse
Nødetatane rykte ut til Skeie laurdag kveld.
Kjetil Vasby Bruarøylaurdag 19. sep. 2020 20:18
Laurdag klokka 19.42 kom det melding om MC-ulykke i Skeisstøa.
Politi, ambulanse og brannvesen rykte ut.
– Førar blir kontrollert av ambulansepersonell på staden. Skadeomfang er foreløpig ukjent, fortel politiet via Twitter.
Det var ein forbipasserande som meldte ifrå om MC i grøfta.
– Den skadde er ein mann i 50-åra, seier operasjonsleiar i Vest politidistrikt til Midtsiden.
Luftambulanse blei òg tilkalt, og landa på Grindevoll etter kort tid.
– Mannen var bevisst etter ulykka. Han er no frakta til sjukehus med helikopter.
Andre køyretøy skal ikkje vera involvert.
OPPDATERT: MC-førar er mistenkt for køyring i ruspåverka tilstand. Han har ikkje førarkort på verken motorsykkel eller bil.