Lokal | 03. nov. 2015
MC-ulykke på Halhjem
Ein gut på lett motorsykkel velta i rundkøyringa på Halhjem.
Kjetil Vasby Bruarøytysdag 03. nov. 2015 22:37
Klokka 21.31 tysdag kveld fekk politiet melding om ei trafikkulykke på E39 Halhjemsvegen.
– Ein gut på moped eller lett motorsykkel ramla av sykkelen i rundkøyringa, fortel operasjonsleiar Eivind Hellesund i Hordaland politidistrikt.
Det var ingen andre køyretøy involvert.
– Førar var bevisst, men klagde over smerter i ryggen. Ambulanse kom så til staden og tok seg av guten, som ser ut til å ha kome greit frå uhellet.