To mc-førarar fekk forelegg i Dalen
... og to båtar med påhengsmotor er funnen på rek.
Torsdag kveld hadde Os lensmansskontroll trafikkontroll på Hegglandsdalsvegen.
– Det førte til to reaksjonar, uavhengige av kvarandre, der mc-førarar fekk forelegg og prikkar på førarkortet, fortel lensmann Oddbjørn Dyrdal.
Den eine blei målt i 67 km/t i 50-sona og fekk 4200 i forelegg og tre prikkar, den andre blei målt i 74 km/t, noko som kvalifiserer til 6500 kroner til Staten og tre prikkar.
Begge vedtok forelegga på staden.
Båtar funne utanfor Strøno og Solstrand
I løpet av torsdag blei det funne båt på rek både utanfor Solstrand og utanfor Strøno.
– Det var ikkje noko som tyda på tjuveri eller forlis i samband med funna.
– Begge båtane hadde påhengsmotor og begge er fortøydd til land. Om du saknar båten din kan du kontakta oss, seier Dyrdal.