Politi | 30. okt. 2021
MC-førar mistenkt for promillekøyring
I tillegg rykte politiet ut på melding om eldre mann midt i vegen - og pinnsvin under bil.
Kjetil Vasby Bruarøylaurdag 30. okt. 2021 08:52
I 02-tida natt til laurdag blei ein motorsyklist stoppa av politiet på Lepsøyvegen.
– MC-førar er mistenkt for promillekøyring. Det er tatt førarkortbeslag og oppretta sak, opplyse vakthavande ved Bjørnafjorden politistasjon.
Fredag i 23-tida fekk politiet melding om ein eldre mann som gjekk i vegbanen på Halhjem.
Patruljen rykte ut, men fann ingen.
Tidlegare på kvelden, i 20-tida, blei politiet kontakta om eit pinnsvin som hadde hamna under ein bil. Pinnsvinet var ikkje påkøyrd, men innringar var redd for å skada dyret.
Viltkontakt blei varsla for å hjelpa til.
