Måtte fjernast med makt frå privat adresse

Klokka 02.45 natt til søndag fekk politiet melding om ein mann som var ønska vekk frå ei privat adresse litt utanfor Os sentrum.

Politiet rykte ut, men måtte kjempa for å få mannen med seg.

– Vedkomande var vanskeleg å ha med å gjera, og patruljen måtte ta kontroll på han, opplyser vakthavande ved Bjørnafjorden politistasjon.

Han stritta imot, og blir meldt for både forulemping og vald mot offentleg tenesteperson.

Vedkomande er ein mann i 30-åra frå Os.

På veg til overnatting i arrest gjorde han også skadeverk på innsida av politibilen, noko han i tillegg blir meldt for.