Martin gjekk til svart
Fem av medlemmane i Os Taekwon-do klubb gjekk gradering i helga. Martin Dedekam Sveen gjekk frå raudt til svart belte.
Sundag 1. desember blei den regionale graderinga i taekwon-do arrangert i Bergen.
– Vi hadde fem medlemmar som gjekk gradering, og alle besto, fortel ein nøgd Jan Rune Sund, leiar i Os Taekwon-do klubb.
Frå raudt til svart
Martin Dedekam Sveen, som i midten av november blei to gongar landsmeister, gjekk frå raudt til svart belte.
– Han gjennomførde ein særs god test som var veldig krevande både fysisk og mentalt.
– I tillegg graderte Tuva Hovland og Victoria Samuelsen seg til 1. gup-2, som er graden før svart belte.
– Joachim Sjøbo gjekk til 1.gup-1, fortel Sund som også sjølv var på matta då han graderte seg til 2. Dan på det svarte belte.
Teknikk, teori, styrke og kondisjon
Sund fortel at det er krevande tester dei skal igjennom i samband med graderingane.
– Dei består av mykje teknikk, som spark og mønster, angrep og forsvar mot motstandar, knusing og kamp mot både ein og to motstandarar.
– I tillegg blir ein testa i teori, styrke og kondisjon, forklarar taekwon-do-leiaren.
– Neste veke arrangerar vi gradering for dei andre medlemmane i klubben, før vi tek juleferie.
– På nyåret startar vi oppatt med mellomanna nybyrjarkurs, avsluttar Jan Rune Sund.