Marknaden i Os: August 2018

«Marknaden i Os» er ei fast spalte på Midtsiden frå oktober 2017, skriven av eigedomsmeklarfullmektig Espen Hjertholm. Hjertholm presenterer offisielle salstal for førre månad, ser bak tala, og fortel samtidig om status og utval i dag, og kva som er venta av månaden som kjem.

• Førre rapport: Marknaden i Os i juli

• Fersk liste: Kven har kjøpt og selt eigedom i Os i juli?

I august 2018 blei det selt i alt 35 bustadar i Os*. 5 av dei var nye bustadar, 30 var brukte.

Det er 4 fleire enn i august 2017, og 3 færre enn i august 2016. Salsvolumet i august held seg på nivå med tidlegare augustmånadar.

* Prosjekterte bustadar, private sal og heimelsoverføringar vert registrert i den månaden heimelen vert tinglyst, medan annonserte meklarsal vert registrert same månad.

Aukande etterspurnad og sterk prisvekst

Av bustadane som ble selte i august blei to tredelar selt i siste halvdel av månaden. Det kan sjå ut som at bustadsmarknaden er på veg til å ta seg opp etter ein roleg sommar. Det er aukande tilbod, men óg aukande etterspurnad.

Tilbodet av einebustadar har dobla seg frå byrjinga av august til no, og det er dei store bustadane som er mest etterspurd i Os for tida.

Bustadane med populær plassering og høg standard er folk villige til å betala meir for, og dei går som det susar.

Sterk prisvekst

Prisane på bustadar blir justerte etter tilbod og etterspurnad.

Med den aukande etterspurnaden som har vore den siste tida kjem òg ei prisauke. Ifølgje eiendomsverdi.no sitt verdiestimat ligg prisendringa på 8 % til 9 % auke sidan nyttår.

Eg vil understreka at det er knytt uvisse til verdiestimatet, men det gjev ein tydleg indikasjon på sterk prisvekst i kommunen dei siste åtte månadane.

Eigedomssal og snittprisar

Samla tal for august 2018: 35 sal
Snittpris kr 3 090 619,-
Snittpris kvm: 30 372,-
Omsetnadshastigheit: 54 dagar

Tilsvarande tal for august 2017: 31 sal
Snittpris kr 3 280 055,-
Snittpris kvm: 30 910,-
Omsetnadshastigheit: 52 dagar

Tilsvarande tal for august 2016: 38 sal
Snittpris kr 3 041 035,-
Snittpris kvm: 29 747,-
Omsetnadshastigheit: 39 dagar

August månad er som regel ein månad kor marknaden held på å ta seg opp. Sommarmarknaden kan ha vore med på å påverka prisane og salstida i august.

Statistikk frå dei siste 12, 6 og 3 månadane:

Siste 12 månadar
411 sal
Snittpris: kr 3 200 327,-
Snittpris kvm: 30 518,-
**Omsetnadshastigheit: 67 d

**Omsetnadshastigheita er rekna ut frå bustadar som er selt i den opne marknaden, ikkje prosjekterte bustadar, private sal eller heimelsoverføringar.

Siste 6 månadar
247 sal
Snittpris: kr 3 223 414,-
Snittpris kvm: 30 567,-
Omsetnadshastigheit: 64 d

Siste 3 månadar
96 sal
Snittpris: kr 3 120 284,-
Snittpris kvm: 30 954,-
Omsetnadshastigheit: 50 d

Ut frå statistikken over kan vi sjå at salstida har minka i jamt tempo. Dei siste 3 månadane blei det selt færre dyre bustadar enn tidlegare.

Dagens utval og marknad

I skrivande stund ligg det, i Os kommune, 30 einebustadar, 15 tomannsbustadar, 30 rekkjehus og 106 leilegheiter for sal på Finn.no - i til saman 86 annonsar.

Det er 17 annonsar fleire enn byrjinga av august, og 1 av annonsane er allereie selt. Det er verdt å merka seg at tilbodet av einebustadar har dobla seg, og tilbodet av rekkjehus har 3-dobla seg frå byrjinga av august.

Komande månad plar å vera ein månad med høgt mange sal, både på brukte og nye bustadar.

Salstid: Os vs. Bergen hittil i 2018

Os
Tomannsbustadar: 52 dagar
Einebustadar: 62 dagar
Rekkehus: 83 dagar
Leilegheitar: 80 dagar
Snitt salstid: 69 dagar

Bergen
Tomannsbustadar: 34 dagar
Einebustadar: 37 dagar
Rekkehus: 30 dagar
Leilegheitar: 32 dagar
Snitt salstid 32 dagar

I Os er det i desse dagar eine- og tomannsbustadane som går raskast, men i nabokommunen er det motsett.

Salstida på dei store bustadane her i kommunen minkar, og etterspurnaden ser ut til å auka.

Os er i vekst, og lite tyder på at etterspurnaden i bustadsmarknaden kjem til å avta i nærmaste framtid.