Markering i takksemd

Vel 120 osingar fann onsdag vegen til Minneparken i Os sentrum for å vera med på å markera frigjeringsdagen og heidra veteranane frå både andre verdskrig og nyare konfliktar.

– Veteranane har gjennom si innsats lyst veg mot ekte fred.

– I dag viser vi vår takksemd til veteranane, deira familie og dei som har mista sine i teneste for Noreg.

– Demokrati, fridom og mennskeverd står, takka vere deira innsats, like sterkt i dag som etter krigsåra, helsa ordførar Terje Søviknes.

Fekk del i fredsdagane

Søviknes nytta høvet til å lesa Ragna Røttingen si skildring frå fredsdagane 1945. Ei skildring ho delte i samband med Hordaland Fylkeskommune si markering av 40-årsjubileet for freden.

Gjennom Røttingen si historie fekk dei tilstadesverande ta del i steminga i bygda 7. og 8. mai 1945, kor flagga gjekk til topps på kvar ei flaggstang i bygda.

– Då eg såg flagga oppetter lia på Bruarøy kom gledestårane, skreiv mellomanna Ragna Røttingen.

"Fred" og "Til ungdommen"

Den yngre garde var representert gjennom Os og Kuventræ skulekorps som tonsatte markeringa, speidarane i KFUM/KFUK som la ned kranser på sju av gravplassene på kyrkjegarden og elevane i 9B ved Os Ungdomsskule.

Ungdomsskuleelevane leste etter tur kvar sitt vers av diktet "Fred" kor dei skildra kva fred kan bety for den einskilte, før dei med klokkeklare røyster framførde Nordahl Grieg sin song "Til Ungdommen" og la ned blomer på minnesmerket på vegne av dagens unge.

Kultursjef Lisbeth Axelsen la ned krans på minnesmerket over dei falne i peroida 1807-1819, Ole Håkon Lunde la ned blomer på vegne av dei pårørande, medan ordfører Terje Søviknes la med krans på vegne av oss alle.