Politi | 29. mars 2022
Mann med kniv pågripen etter konflikt i bustad
Utrykking til bustad tysdag morgon.
Kjetil Vasby Bruarøytysdag 29. mars 2022 09:11
Måndag ettermiddag var det ein slåstkamp på ein busshaldeplass mellom to menn i 30-åra, tysdag morgon fekk politiet melding om nok ein slåstkamp.
Denne var på ei bustadadresse i 08.30-tida, fortel Vest politidistrikt via Twitter.
Ein mann i 40-åra er pågripen. Han skal også ha vist fram ein kniv.
Det er foreløpig uvisst om han har truga med kniven i løpet av slåstkampen, eller om nokon er skadd.
– Kven er motpart i slåstkampen, og er nokon skadd?
– Dette er ei pågåande sak, og vi har foreløpig ikkje fått inn all informasjon. Så langt er det ikkje notert at nokon er alvorleg skadd, seier politistasjonssjef Oddbjørn Dyrdal.
– Kven og kor mange som er motpart eller fornærma, er også for tidleg å seia.
