Mann ilagt besøksforbod
Ein mann har fått forbod mot å oppsøke nabofamilien etter gjentatte trugslar og tilløp til vald.
Ein nabokonflikt i eit bustadområde i Os har gått litt lengre enn i dei fleste andre tilfelle.
– Ein mann har blitt ilagt forbod mot å oppsøka nabofamilien. Det har faktisk blitt ilagt heile fem besøksforbod, eitt for kvar av familiemedlemmane, fortel politibetjent Anne Lyssand.
Mannen har mellomanna vore aggressiv overfor ungane i familien.
– Politiet ser alvorleg på desse handlingane, slår Lyssand fast.
Må visa mopeden
Ein ungdom blei tysdag stoppa på ein trimma moped.
– Han har fått mangellapp og må utbetre desse og visa fram mopeden for godkjenning hos biltilsynet innen tre veker, fortel Lyssand.
Også ein bilførar fekk pålegg frå politiet om å utbetra køyretøyet sitt.
– Der var det manglande lykteglas som gjorde at han blei stoppa. Dette må fiksast innan ei veke, avsluttar politibetjenten.