Lokal | 19. juni 2016
Mann i 60-åra laga bråk i drosjekøen
Dei fleste oppførte seg fint på den livlege laurdagen i Os sentrum, men ikkje alle.
Kjetil Vasby Bruarøysundag 19. juni 2016 21:02
Med fint vêr og over 800 på bryggedans blei det ein festleg laurdag i Os sentrum i går.
Natta bydde på lite bråk for politiet, men enkelte måtte bli vist vekk.
– I 1-tida var det ein mann i 60-åra som oppførte seg på sjikanerande vis i drosjekøen.
– Han er meldt for forulemping av offentleg tenestemann og blei vist vekk frå Os sentrum, fortel operasjonsleiar i Vest politidistrikt, Svein Rune Halleraker.
Ein halvtime seinare var det eit par som krangla utanfor ein uteplass. Mannen og kvinna er i 30- og 20-åra, begge fekk pålegg om å fjerna seg frå Os sentrum.
I tillegg har ein mann i 40-åra, som oppførte seg ufint, fått tilsnakk.