Mann (38) funnen død i vegen

Klokka 06.36 fekk operasjonssentralen melding om ein livlaus person som låg i vegen i Skeisstøa.

– Politi og ambulanse rykte ut til staden. Det blei utført førstehjelp, men livet sto ikkje til å redda, fortel operasjonsleiar Eivind Hellesund i Vest politidistrikt.

Vedkomande er ein 38 år gamal mann.

Han blei erklært død på staden. Pårørande er varsla.

– Rett ved mannen sto ein lastebil som vi meiner avdøydde har hatt tilknyting til. Kva som har skjedd er uklart, og saka blir etterforska vidare.