Manger erstattar Engelsen

Til hausten går kommunalsjef Geir Engelsen av med pensjon. Os kommune har no funne ein erstattar, som overtar etter Engelsen 1. september i år.

– Etter ein grundig prosess, i samarbeid med rekrutteringsselskapet Mercuri Urval, har vi funne ny assisterande rådmann, seier rådmann Knut Terje Rekve.

Det var 17 søkjarar til leiarjobben.

– Det er gledeleg å melda at Paul J. Manger har fått tilbod og har takka ja til stillinga.

Manger er 54 år gamal og kjem frå stillinga som prosjektleiar i Hordaland fylkeskommune.

Han har brei erfaring frå offentleg sektor og har hovudfag i administrasjon og organisasjonsvitenskap frå Universitetet i Bergen.