Mange på Peppes - få i Oseana
Bildeserie: Osøren Blues & Jazzfestival er i full gong og medan publikum fylte opp Peppes fredag, var det ikkje like mange som tok turen til Oseana.
Bildeserie:
- Vi har vel selt rundt 1500 billetter totalt til no, fortel festivalsjef Gunnar Nagell Dahl.
- Oppslutningen på Peppes har vore bra i kveld med rundt 400 publikummarar, men diverre har det ikkje vore like mange i Oseana.
God stemning
Festivalen blei offisielt opna tidlegare på dagen med Arne Hjeltnes som las dikt, og canadieren Wolf Mail stod for det musikalske innslaget.
Sjølv om antall publikummarar varierte så var stemninga god både i Oseana og på Peppes fredagskveld. Publikum kunne oppleva artistar som Wolf Mail, Dave Fields Band, Magnus Berg Bluesband, Bergen Bluesband og Hereide & The Bluesgangsters.
- Så håper vi det kjem enda fleire på festivalen laurdag, avsluttar Nagell Dahl.
Laurdag opptrer blant anna ORBO, Wolf Mail, Washamba, Frigaard og Jonny Winter band på festivalen.