Fotball | 21. juli 2020
Lysekloster styrkar stallen vidare
I fjor slo han Strømsgodset ut av cupen, no er Henrik Byklum klar for Lysekloster.
Kjetil Vasby Bruarøytysdag 21. juli 2020 10:07
Henrik Byklum går frå PostNord-klubben Fram Larvik til Lysekloster. Det fortalte Lysekloster på Facebook-sida si måndag kveld.
Henrik fylte 21 år i februar, har spelt aldersbestemte landskampar på G15 (3 kampar), G16 (6) og G17 (10), og hadde til saman 52 kampar for Fram Larvik i 2018 og 2019.
Fram Larvik landa på 5. plass i PostNord-ligaen (2. divisjon) i fjor, og tok seg til kvartfinale i NM med 2-1-siger over Strømsgodset. Der blei det 0-3-tap for Ranheim.
Byklum har vakse opp i Randesund, spelte 23 kampar for Fløy i 2016 og debuterte for Start i 2017.
Han speler sentral midtbane, blir skildra som ein allsidig fotballspelar, og skåra 4 mål for Fram i fjor.
- Les òg: Tim Nilsen til Lysekloster