Lysefjorden i øl-finale for 2. år på rad

Bildeserie:

Full skjerm

1 av 4

«Det Norske Måltid» er ei kåring av dei beste mat- og drikkeprodukta i Noreg og har som formål å synleggjera bredden av landets mat- og drikkeproduksjon og dei unike råvarene som blir produsert.

For andre året på rad har Lysefjorden Mikrobryggeri kvalifisert seg til finalen i konkurransa om å laga årets tradisjonsøl. I fjor blei dei kvalifisert med krydderølet «Slaget på Vågen», i år er det «Vestlandskyss», ein bringebær saison, som har kvalifisert bryggeriet til finalen.

– I dag feirer vi med kake på kontoret, fortel marknadssjef Camilla Brekke Dalland i Lysefjorden Mikrobryggeri, før dei går tilbake i produksjonen i det hektiske bryggeriet.

I finalen om årets tradisjonsøl skal dei konkurrera mot «Okkelberg» frå Stjørdals Bryggeriet og «Nøgne Ø Norsk Høst» frå Nøgne Ø Det Kompromissløse Bryggeri A/S.

Tøff konkurranse

Bryggeriet har kvalifisert seg gjennom delfinalar og er spente på offentleggjeringa av finaleresultata i Stavanger i januar.

– Det har vore ei tøff konkurranse har eg forstått. Det blir brygga mykje godt hantverksøl i Noreg og det er overveldande at ho kom vidare til finalen i Oslo 8. november. Der kårar juryen vinnarane før konklusjonen blir låst inn i eit skap og ikkje tatt fram før under «Det Norske Måltid» i Stavanger 8. januar.

– For dei involverte i prosjektet er dette overveldande, fantastisk kjekt og prestisjefullt. Å laga eit kunstverk på flasker, slik vi håpte å få til, blir ein bragd når det ender slik, seier Dalland.

Om «Vestlandskyss» fortel ho at det er eit friskt belgisk gardsøl, ein saison, raud på fargen og med ein rein smak av bringebær.

– Vi har ein produsent i Gloppen som presser det vi treng av puré eller saft for å laga ølet. Det er brukt avsindige mengder bær i dette ølet og er det dyraste vi har laga. Målet var at du skulle finna att minner av smaken som du fekk i barndommen når du gjekk og plukka bringebær i hagen til bestemor.

Kvalitet er viktig

«Vestlandskyss» er utvikla som eit matøl saman med «Vestlandsfriaren», ein imperial brown ale.

– Konseptet har vore å laga kvalitetsøl til mat og få til den beste kombinasjonen av øl og mat. Vi har jobba saman med Chefs Dinner Norge og dei fire meget dyktige kokkane Gunnar Nagell Dahl (matattache for fylkesmannen i Hordaland), Torstein Hatlevik (Haaheim Gaard), Preben Moen (Gloppen hotell) og Nils Henning Nesje (Mat med hjertet) som står bak det selskapet.

– Målet har vore at handtverk frå bryggar, kokkar og kunstnar skal knytta vestlandsfylka saman. Vi vil bera fram mat og drikkekultur med fagtyngde, humor og gode råvarar. Mellom anna har kunstnaren Marit Eiksund måla eit romantisk tradisjonsrikt oljemaleri som vi har delt på dei to etikettane.

I tillegg til å brygga samarbeider Lysefjorden også med fleire om å laga både sjokolade og øl-edikk.

Poesi på etiketten

Det er ikkje berre etikettane som er måleriske, også omtala av dei to øla står i stil:

«Vestlandskyss er raudt som eit forelska kvinnehjarte, friskt og leikande i ganen. Kysset gjer deg forelska, og gjev deg attende draumen om sann kjærleik. Med attlatne auge kan ho trollbinda sin tilkommande, med bringebær og lovnad om løynde kyss.

Set ho ved Vestlandsfriaren si side og dei får være saman og bli eit par.

"Den vestlandske friar spring lett i den svale sumarnatta. På friarfot smyg han seg til sin utkåra, forventning om eit kyss gjer han yr.

Han ser etter teikn på at kysten er klar og foreldra søv. Samarbeid dansa Dei leikande hand i hand på attgrodde stiar, mot draumar om ei framtid saman. I soloppgangen lista Dei seg kvar til sitt. Dei Tel tima til neste natt. Til neste kyss.

Set han ved Vestlandskyss og Dei får være saman å bli eit par»