Lynet passerte nord for Os - tok to liv i Hareid
Over 7.000 lynnedslag på 6 timar - berre eitt av dei i Bjørnafjorden.
Det var meldt styrtregn og tett med lynnedslag nord for Bergen søndag ettermiddag.
I Bjørnafjorden kommune slapp vi, som meldt, unna. Meteorologisk institutt sitt sanntidskart over lynnedslag viser berre eitt nedslag i Bjørnafjorden dei siste seks timane.
Nedslaget var midt i fjorden. Først lengre innover land og i Hardangerfjorden har det blitt elektrisk.
I Masfjorden meldte 110-sentralen om brann i bratt terreng, men det var ikkje fare for spreiing og brannvesenet fekk hjelp av regnbygene som følgde.
Så kom åtvaring mot lyn og oppfordring om å koma seg ned frå fjellet, for dei som var på tur.
Nord for Vestland fylke blei tre kvinner ramma av lynnedslag. To av dei omkom, den tredje er ifølgje BT hardt skadd.
Det skal vera den skadde kvinna som meldte ifrå.
Dei tre var på tur på Melshornet(668 moh) i Hareid då lynet slo ned.
