Lufta hunden, blei robba
Mann var ute og lufta hunden, i mellomtida braut ukjende seg inn i bustaden i Lønningdalen/Midtsæter. Politiet ber om observasjoner av ein mørk BMW.
I det elles så rolege nabolaget i Lønningdalen/Midtsæter har dei byrja å låse dørene etter at ein av naboane kom heim til endevendt hus tysdag førmiddag.
– Innbrotet skal ha skjedd mellom 0930 og 1030 tysdag førmiddag, fortel politioverbetjent Terje Sperrevik.
Huseigar skal ha vore ute og lufta hunden sin. Då han kom heim var huset endevendt, skuffer og skap var tømt. Etter det Midtsiden kjenner til har tjuvane teke med seg både kontanter frå ei lommebok og fleire gamle gjenstander av verdi.
– Det skal ha blitt observert ein mørk BMW. Om fleire av observasjonar av denne, ber vi at dei formidlast til politiet, seier Sperrevik.
I følgje naboar Midtsiden har vore i kontakt med har den aktuelle BMWen, som av naboane skildrast som "shabby", har bilen køyrd oppover mot huset, snudd og parkert litt lengre ned i vegen.
– Alle vi som bur her har låst dørene våre etter hendinga.
– At noko slik skjer i vårt fredlege nabolag er skremmande, fortel ein nabo som ønskjer å vera anonym til Midtsiden.
Har du tips i saka kan politiet kontaktast på 56 30 39 00.