Lovar mål på laurdag

Laurdag klokka 16.00 på Lysekloster idrettspark møtast to av toppskårarane i 3. divisjon avdeling 7.

Erik Kanestrøm frå Os toppar lista for avdelinga saman med Chritian Holko frå Åkra med 11 mål kvar, eitt meir enn Kim Kleivedalen frå Lysekloster.

– Laurdag skal vi ta revansje. Det er førsteprioritet, slår Kim Kleivedalen fast.

– Ja, eg skårar

Lyseklosterspelaren er strålande nøgd med starten på sesongen og sin eigen innsats med 10 nettkjenningar.

– Laurdag blir det mål igjen, seier han sjølvsikker.

Erik Kanestrøm er ikkje dårlegare.

– Eg reknar med at vi vinn og at eg skårar, svarar han kontant.

Om å bli best i bygda

Båe har store forventningar til kampen, sjølv om Kleivedalen presiserar at det berre er ein vanleg kamp.

– Presset ligg hjå Os. Det blir gøy med lokaloppgjer, og når det er heime vil vi sjølvsagt vinna, seier toppskåraren frå fjorden.

– Den blir nok jamn og tett ja med høgt press frå Lysekloster.

– Men eg reknar med at Tore (Nielsen) og Bjørn (Mjelva) har funne ein god taktikk, slik at vi igjen kan visa Lysekloster kven som er best i bygda, avsluttar Kanestrøm.

Toppskårarar – 3.div avd 7

Antal skåra mål i parentes.

1. Erik Kanestrøm – Os (11)
1. Christian Krogh Holko – Åkra (11)
3. Kim Kleivedalen – Lysekloster (10)
3. Trond Heggestad – Austevoll (10)
5. Morten Hillestad – Stord (9)
6. Sindre Kringlebotten – Haugesund 2 (8)
7. Christer Håland – Randaberg (7)
7. Tord Skår – Austevoll (7)
7. Mats Fjeldstad – Øystese (7)
7. Tonny Tysnes – Øystese (7)

Målskårarar – Lysekloster

Antal skåra mål i parentes.

Kim Kleivedalen (10)
Johannes Jordal (6)
Lars Henrik Skage (6)
Joakim Hovden (4)
Baste Jonassen (4)
Martin Eidsvik (2)
Sigve Rørstad (2)
Eirik Musland (2)
Preben Skorpen (1)
Steffen Finsådal (1)

10 spelarar – 13 kampar – 38 skårte mål.

Målskårarar – Os

Erik Kanestrøm (11)
Christer Olsen (5)
Preben Borgen (5)
Roar Vestbø (5)
Stian Lunde (2)
Anders Kinden (2)
Per Søgnen Merai (1)
Tore Valvik (1)

8 spelarar – 13 kampar – 32 skårte mål.