Litt tull på to hjul
I går blei det både mangellapp og avskilting, gjennom helga vil politiet halda eit auge med motorsyklistar fleire stadar.
Torsdag ettermiddag blei ein motorsykkel stoppa i Kolskogen av utrykningspolitiet.
– Den hadde ledda feste til skiltet. I tillegg var det feil på lys og spegl, så det blei skrive ut ein mangellapp, opplyser politioverbetjent Atle Birkeland.
Torsdag kveld blei det meldt om fleire motorsyklar i Sperrevikvegen som køyrde i høg fart i 50-sona, i periodar på eitt hjul.
– Vi har dei siste dagane fått fleire tilsvarande meldingar frå dette området, og vil gjennomføra kontrollar fleire stadar gjennom helga.
Heller ikkje tohjulingane med minst motor styrte heilt klar torsdag kveld.
– Ein moped stoppa i Industrivegen blei avskilta. Den mangla blinklys og spegl og hadde slitte dekk. I tillegg er det mistanke om at den er trimma.
