Litt feilskodd - litt promille

Politiet kontrollerte to bilar på E39 Byvegen natt til laurdag.

O 03-tida stoppa dei ein bil som mangla baklys. Ein kort teknisk sjekk avslørte at bilen også mangla eit vinterdekk.

– Bilen hadde tre vinterdekk og eitt sommardekk. Bilførar fekk 1000 kroner i gebyr og pålegg om å fiksa baklyset, fortel vakthavande ved Bjørnafjorden politistasjon.

To timar seinare stoppa dei ein annan bil.

– Bilførar, ein mann i 50-åra, blåste til 0,2 i promille. Dette er lågpromille. Ein ny blåseprøve viste 0,0, så han fekk køyra vidare med ei åtvaring mot å køyra med alkohol i blodet.