Liten nedgang i talet på konkursar

På landsbasis har tala på antal verksemder som har gått konkurs eller blitt tvangsavvikla helde seg rimeleg stabile fra 2014 til 2015 med ein nedgang på 0,8%.

Ser ein på tala for verksemder registrert i Os kommune syner dei at det i 2015 var 13 verksemder som blei slegen konkurs, mot 15 i 2014. Tilsvarande blei fire verksemder tvangsavvikla i 2015 mot seks i 2015. Det tydar på at den positive trenden frå 2013 til 2014 held fram. Også då var det ein liten nedgang.

I hele landet blei det hos konkursregistereret registrert 5781 konkursar eller tvangsavviklingar. Dette er ein nedgang på 0,8 prosent frå året før. Størst er nedgangen i Aust-Agder med 26,8 prosent. I Hordaland syner tilsvarande tal ein reduksjon på 6,6 prosent. I nabofylket Sogn og Fjordane ser ein motsatt tendens med ei auke på 21,1 prosent, noko som gjer at dei er det fylket med nest flest konkursar i 2015, berre slått av Buskerud som aukar med 21,9 prosent i følgje ei pressemelding frå Brønnøysundregistrene.

Konkurs opnast når ein person eller eit selskap ikkje er i stand til å dekkje sine forpliktingar eller når aksjekapitalen for selskapet er brukt opp.

Tvangsavvikling opnast når eit selskap har meldt oppløysing, men unnlete å melda endeleg sletting i Foretaksregisteret – eller når eit selskap etter gjentekne purringar frå Foretaksregisteret ikkje har meldt inn styremedlemmer, styreleiar, dagleg leiar og revisor. Eit selskap kan også tvangsoppløsast om det ikkje sender inn årsrekneskap.