Lite laks første veka
Her er fangstrapporten frå den første veka av årets fiske i Oselvo.
Natt til 1. juli opna årets fiske i Oselvo.
Natta gjekk utan fangst, men tysdag 2. juli tok Nils Ekerhovd årets Oskar, ein laks på 6,7 kilo i sone 2.
No er rapporten frå første fangsteveke klar.
• Det blei berre tatt 4 laks den første veka, på til saman 19,3 kilo. Alle er tatt i sone 2.
• Det er tatt 11 tert (laks på under 3 kilo), 8 av desse er tatt i sone 2.
• Dei tre andre tertane er tatt i sone 5, hos Ole Lundetræ og i Storestraumen/Hetleflåten/Tøsdalsvatnet (sone 1 av Osvassdraget).
– Det har vore ein laber start, men det har gått opp eit parti med laks og det er observert laks heilt oppe i Røykenesvatnet, seier Olav Valle frå grunneigarlaget.
Auren på veg tilbake
– Det som er gledeleg å sjå er at sjøauren ser ut til å vera tilbake. Det er tatt ein del stor sjøaure.
Departementet har opna for sjøaure, men grunneigarane har dei site åra bremsa grunna dårleg bestand dei siste åra.
Det er tatt 40 sjøaure, 38 er sett ut igjen, 2 av dei blei så skadd av å bli fiska at dei blei verande på land.
Midtsiden samleside: Jakt og fiske