Leve Pride!
Aller helst ville vi ha heisa Pride-flagget på Rådhuset i dag.
Vi i Bjørnafjorden Arbeidarparti er rysta over det som skjedde i Oslo i går, der menneske som var ute og feira livet, fridomen og kjærleiken vart angripne.
To er døde og 19 er skadde. Endå fleire sit heime med ei frykt over kva som no skjer i samfunnet.
Dette viser tydelig at kampen for mangfaldet i samfunnet ikkje er over, og vi vil visa vår støtte og sympati i slike mørke tider.
Aller helst ville vi ha heisa Pride-flagget på Rådhuset i dag, så det kunne svaia stolt i vinden.
Ordførar Trine Lindborg (Ap) løfta flaggsaka i tidligare Os kommune, og då flaggreglementet kom opp i Bjørnafjorden kommunen, men fekk ikkje fleirtal.
I ly av det som skjedde i går vil vi i Ap nok ein gong løfta inn sak til kommunestyret om å endre lokalt flaggreglementet slik at vi får lov til å heisa Pride-flagget og feira mangfald og kjærleik i Bjørnafjorden - sjølv utan eige arrangement.
Vi håpar òg at vi til neste år får eit Pride-arrangement i kommunen, og at alle bjørnafjordingar får sjansen til å visa si støtte!
Vi vil jobba vidare for at Bjørnafjorden skal vera ein inkluderande kommune med rom og fellesskap for alle.
Ingen skal måtta frykta for livet på grunn av kven dei er.
Leve kjærleiken, leve mangfoldet. Leve Pride!
Bjørnafjorden Arbeidarparti
