Lokal | 17. mars 2015
Leiter etter stolen russebil
Då denne gjengen kom heim frå skulen i dag var russebilen vekke.
Kjetil Vasby Bruarøytysdag 17. mars 2015 17:39
Ein VW Caravelle er meldt stolen frå eit nabolag i Bjørnen i Os tysdag.
– Den blei tatt ein gong mellom klokka 12 og 14, fortel Anna Kyte Haugland, ein av eigarane av bilen, som skal brukast til russebil.
– Vi synest dette er veldig trist. Vi har brukt vinteren på å pussa den opp og det er berre ein månad til russetida byrjar.
Har du sett bilen?
Eigarane av bilen, som tidlegare har gått som russebil i Hardanger, er no ute i Os og leiter etter den.
– Vi er elevar frå både Os Gymnas og Os vgs som er ute på søk. Fleire venar frå skulen ser også etter den.
Bilen har registreringsnummer PN 93338.
– Politiet har blitt varsla. Ring politiet om du finn bilen, oppmodar Anna.