Legg ut ny gjestebrygge to stadar i Os hamn
Steinneset opnar for gjestar i nytt bryggeanlegg. Den gamle brygga får truleg ny destinasjon.
Bildeserie:
I går var Samba Marin sin arbeidsbåt «Molly» på plass for å legga ut ny gjestebrygge innanfor moloen på Steinneset.
– Det er ei 36 meter lang betongbrygge. Den får utriggarar på begge sider, med ulik storleik på båsane, fortel prosjektsjef Halvor Hanevik i Os kommune.
Dermed kjem det rundt 20 nye gjesteplassar for båtar nær den populære bubilparkeringa.
– Vi skal òg legga ut vatn og straum til anlegget. Det er mogleg at det kjem i haust, men vi skal uansett ha det på plass til våren.
Gamlebrygga kan få ny funksjon
Brygga ut utriggarane som har lagt ut frå moloen tidlegare, var i starten for sal og utleige av båtar, men blei seinare leigde ut privat.
Denne har lagt ute for sal, men det ligg an til at Oskommune kjøper den.
– Vi vil sjå om denne kan brukast for å auka kapasiteten på innsida av gamlemoloen utanfor Os kai og Peppes, seier Hanevik.
Brygga ligg no fortøydd, men ikkje forankra, på innsida av moloen.