Lanserer som nr 2 i Norden

Som eit ledd i å fornya tilbudet til dei svømmande har Osbadet no lansert nyvinninga Swimtag.

– Vi er det andre bassenget i Norden som lanserar nyvinninga.

– Det er berre AdO Arena som har systemet får før. Vi lot dei få æra av å vera først, smiler Bård Alfstad, dagleg leiar i Osbadet.

Mykje brukt i England

Systemet er svært mykje nytta i engelske basseng, både blant konkurransesvømmarar og mosjonister.

– Det er eit armbånd du har på deg når du svømmer.

– Dette er kobla opp mot eit unikt nummer som identifiserar deg.

– Etter økta kan du enkelt logge deg inn på swimtag.no og sjå korleis du har gjort det, forklarar Alfstad.

Måler alt

Systemet målar "alt", tildømes kor langt du har svømt, antal svømmetak du har nytta på kvar lengde, kor mykje du har kvilt, kva svømmestil du nytta.

– Det einaste det ikkje måler er pulsen din.

– Inne på di personlege side på nettet kan du i ettertid samenlikna øktene dine eller vera med på konkurranser mot andre.

Marsteinen-Os

I samarbeid med leverandøren har Osbadet lansert ei opningskonkurranse.

– Det går enkelt og greitt ut på kven svømmer først distansa frå Marsteinen til Osøyro.

– Etter kvar økt kan du gå inn på nettsida og sjå kor langt du har kome og korleis du ligg ann, fortel den daglege leiaren.

Kjem med treningstips

Ei anna nyvinning Osbadet kjem med til mosjonistane er treningstips frå Noregs livredningsselskap.

– Den reknar eg med kjem i desember.

– Det er ei tavle med lavterskels treningstips og instruksjonskort som fortel korleis du kan utvikla svømmeteknikken din, avsluttar Alfstad.