Lanserer «dritgod» båt på Aker Brygge

Bildeserie:

Full skjerm

1 av 4

I neste veke, frå torsdag til søndag, blir Skandinavias største båtmesse utandørs arrangert på Aker Brygge i Oslo.

Blant dei 270 båtane i messebryggene er 54 noregs- og verdspremierar, ein av dei er Askeladden C65 Bow Rider. Båten er bygd på suksesskroget som blei lansert i vinter, C65 Cruiser.

– Eg har aldri før fått så mange positive tilbakemeldingar, heilt uoppfordra, frå kundar som på C65 Cruiser.

– Omsetnaden kunne heller ikkje vore betre, vi har selt alt vi har klart å produsera. Vi hadde nok gått tom om vi hadde laga 20 til, seier dagleg leiar i Askeladden Boats AS, Henrik Askvik.

Onsdag blir Askeladden C65 Bow Rider lansert.

Askeladden først ute

Bowrideren har, som daycruiseren, stor cockpit med heile sju sitjeplassar. I tillegg kjem sitjeplassane i baugen.

– Det mest spesielle med denne båten er at vi har funne ei løysing for eige toalettrom i ein bow rider. Ved hjelp av litt asymmetri har vi, ved sidan av førarposisjonen, funne plass til eit eige rom.

Mangelen på god toalettkomfor har vore «baugen» for mange som i utgangspunktet har hatt lyst på ein bow rider.

– Bow rider-båtane i denne klassen, som er i marknaden frå før, manglar eit skikkeleg toalett. I beste fall tilbyr dei ei kompakt løysing som gir lite skjerming mot omgjevnadane. Dette gjer at også folk som utelukkande vil bruka båten til dagsturar vel daycruiser i staden for bow rider.

– C65 Bow Rider er unik og førebels åleine i klassen om den toalettkomforten vi no lanserer, eit stort og romsleg toalettrom med ergonomisk inngang. Vel du topline utstyrspakken får du eit toalettrom med spyletoalett og tank, vaskeservant med trykkvatn, lagringsplass til toalettsaker, spegl, lys og ventilasjon.

Over 45 knop

Båten har full passasje frå akter til baug og har enkel tilkomst til badeplattform. Baugen er drenert separat.

C65 er den mellomste av C-båtane frå Askeladden, utvikla for å halda på dei same gode eigenskapane som C75 og C61, med minimal planingsterskel, mjuk gange, god stabilitet og høg fart.

– Vi har investert i omfattande konstruksjons- og testarbeid. Resultatet er eit banebrytande skrog med ein relativt konvensjonell V-210 hekk, V-240 ved oppdriftssenter kombinert med eit skarpt V-600 forskip. Alt i alt gir dette mange fortrinn og C65-skroget blei i vinter lovprist av fagpressen og er «pound for pound» kanskje det beste skroget Askeladden har laga så langt.

Askeladden C65 Bow Rider er bygd for 150 til 250 hestekrefter utanbordsmotor og vil med største motoralternativ få ein maksfart på over 45 knop.

Tekniske data
Designkategori: C
Lengde: 6,45 m
Bredde: 2,46 m
Vekt uten motor: Ca. 1.400 kg
Drivstofftank: 230 liter
Motor: Outboard 150 - 250 HK
Fartspotensial; Pluss 45 knop