Samferdsle | 18. mars 2022
Langedalen blokkert av bil
– Rygga utfor på «beine vegen».
Kjetil Vasby Bruarøyfredag 18. mars 2022 09:32
Denne veka har det vore drøfta å stenga Langedalen for gjennomkøyring, grunna høg trafikk etter stenging av Fanafjellsveien.
Fredag i 09.30-tida blei vegen stengt, men ikkje permanent.
Ein bil har rygga utfor. Vegen er blokkert for trafikk.
Bilistar som ferdast over Langedalen kan rekna med ein del rygging, slik trafikken er no, men i dag gjekk det gale.
– Bilen rygga utfor på beine vegstrekket, det var noko overraskande, seier vitne.
Uhellet skjedde nær toppen då ein bil på veg ned på Søfteland-sida av Langedalen skulle rygga for møtande trafikant.
Det var berre to hjul som hamna i gøfta, men bilisten treng nok hjelp til å koma seg opp igjen, og vegen er blokkert inntil vidare.
