Landboden opnar og stenger i ulike fasar
I morgon opnar den stengte delen av Landboden. Seinare skal andre delar stenga.
Øvste del av Landboden, som har vore stengt for biltrafikk i vinter, opnar for trafikk igjen på ettermiddagen tysdag 21. februar.
– Vi gjer merksam på at det framleis er anleggsarbeid på staden, og at vegstandard og -breidde er redusert, opplyser prosjektleiar Siril Langhelle i Bjørnafjorden kommune.
Kommunen har plan om fleire vegstengingar grunna arbeid med vatn og avlaup i Landboden.
I dag startar entreprenør med å kartlegga alle påkoplingar for vassforsyning til bygga på dette strekket.
Så skal det leggast opp midlertidig vassforsyning og knytta alle til før arbeid med hovedgrøft kan starte.
Når graving for hovedgrøft startar, blir vegen stengt for gjennomkøyring mellom Baronsgården og Postvegen.
Stenging ligg an til å bli frå måndag 27. februar.
Dato blir stadfesta tre dagar før stenging, opplyser kommunen.
