Politi | 15. nov. 2021
– Lagde støy og ville inn
Mann fekk pålegg om å fjerna seg.
Kjetil Vasby Bruarøymåndag 15. nov. 2021 09:32
Klokka 02.11 natt til måndag fekk politiet melding frå ei privat adresse litt nord for Os sentrum.
– Ein person som oppheldt seg utanfor lagde støy og ville inn, opplyser vakthavande politibetjent ved Bjørnafjorden politistasjon.
Det blei sendt ein patrulje til staden.
– Då patruljen kom fram var vedkomande, ein mann i 40-åra, roleg. Det framstår som at partane har ein relasjon frå før, og at det hadde vore ein samankomst på adressa tidlegare.
Mannen fekk pålegg om å forlata staden, og etterkom dette.
Politet fortel om ein elles roleg søndag i Os, med unntak av trafikkulykka i krysset mellom Byvegen og Indrettsvegen.
