Lokal | 07. jan. 2010
Lagar is på Lepsøy
For første gong sidan 1991 lagar Kongshaug Musikkgymnas skeise-is på fotballbanen sin.
Kjetil Vasby Bruarøytorsdag 07. jan. 2010 14:38
Bildeserie:
1 av 1
- Vi måtte nesten laga is no, når det er meldt nye 10 dagar med kulde, seier rektor Oddvar Rotvik.
Han fortel at folk framleis pratar om sist det var skeise-is på grusbanen deira, som ligg mellom skulen og Lepsøybrua.
- Det er 19 år sidan, så no skal det bli godt å invitera folk frå området til leik på trygg is igjen!
Musikkgymnaset har lånt slangar av brannvesenet, men for ikkje å risikera å ta vasstrykket frå folk i Øyane kjører dei ikkje på maks trykk.
- Vi starta onsdag kveld og bruker både dagen i dag og natt til fredag til å fylla på. Så satsar vi på fine forhold til helga, seier Rotvik.