Kyrkja i ny prakt
I 2020 vert Os kyrkje 150 år. No er kyrkja nymåla til jubileet.
Bildeserie:
Kyrkjeverje Gerhard A. Hansen fortel at målararbeidet vart utført av Malermester Lars Holmås i samarbeid med Malermester Kvittingen.
Hansen fortel vidare at det har blitt skifta renner og nedlaup (Fana Blikk), i tillegg til ein del tømrar- og takarbeid (Akasia Bygg).
Utfordrande vêr
Arbeidet var budsjettert til ei kostnadsramme på 1,8 millionar.
Dette vart finansiert ved eit statleg tilskot på 400.000,- og ei kommunal løyving på ein million kroner. Det resterande mellomlegget vart finansiert med avsette fondsmidlar til vedlikehald.
Kyrkjeverje Hansen fortel at førebels rekneskapsprognose viser eit meirforbruk på om lag 200.000 kroner.
– Dette skuldast i hovudsak at det var meir bygningsskade (meir tømrararbeid) enn forventa og arbeidet gjekk over lenger tid grunna dette.
– Vêret var og med å auke tidsbruk og som følgje av det høgare leigekostnad med stillas, seier Hansen. Desse meirkostndadane vert dekka av fondsmidler øyremerkt bygg og vedlikehald.
150 i 2020
Hansen fortel vidare at det er lagt opp til opprusting og vedlikehald av kyrkja innvendig i 2019.
– På nyåret 2019 går vi i gang med å leggja grunnlaget for anbodsrunden for det innvendige arbeidet.
– Dette betyr at Os kyrkje skal vera ferdig restaurert til 150-årsjubileet i 2020.