Kvinne kasta varer på dei som jobba i butikken
Ein ung mann mista lappen etter å ha sovna bak rattet, ei kvinne i 30-åra blei vist vekk frå Amfisenteret.
Laurdag på dagtid fekk politiet melding om ein aggressiv tiggar i Os sentrum.
Vedkomande, ei kvinne i 30-åra, blei vist vekk av politiet, og blei samtidig gjort merksam på tiggeforbodet i Os kommune.
På Amfisenteret litt før klokka 16 i går var det ei anna kvinne i 30-åra som var hissig.
– Ho hadde blitt skulda for tjuveri, men hadde ikkje stole noko. Ho reagerte med sinne, og kasta varer på beteninga, fortel politioverbetjent Christine Grindstein.
Politiet ser på episoden som ei valdshending, og beteninga vurderer å melda forholdet.
Mann i 20-åra sovna - køyrde i autovernet på Søfteland
Laurdag klokka 15.50 fekk politiet melding om vinglete køyring på E39 på Søfteland.
– Bilen hadde vore innom autovernet, men køyrde vidare.
Politiet stoppa bilen då den var kome nesten til Amfisenteret.
– Bilførar, ein mann i 20-åra, innrømte å ha sovna bak rattet. Han samtykka òg i førarkortbeslag.
UP skreiv ut eitt forelegg Søfteland
UP har hatt laserkontroll på SØfteland i helga. Dei skreiv ut eitt forelegg, 87 km/t i 70-sona blei einaste fartssyndar denne gongen.
Politiet hadde promillekontroll på Lyseklostervegen laurdag formiddag. Der kom det berre fire bilar forbi, og alle fire bilførarane var edru.
Ung kvinne meldt for to forhold
I 2.30-tida natt til laurdag fekk politiet melding om slagsmål mellom 8-9 personar i Os sentrum.
Midtsiden fekk ikkje tak i politiet for kommentar, men viste til omtale av NRK Hordaland.
– Det var amper stemning, men ingen som slåst då vi kom til staden, fortel Grindstein.
– Kvinna som blei meldt er i 20-åra. Ho skal ha vore involvert i ein valdsepisode og fekk pålegg om å fjerna seg, men retta seg ikkje etter dette.
– Ho blir meldt både for ikkje å retta seg etter pålegg frå politiet, og for å uroa offentleg ro og orden.