Lokal | 19. nov. 2013
– Kven har bulka bilen min?
Måndag kveld blei ein bil parkert utanfor Os Næringspark bulka av ein annan bil. Eigar og politiet etterlyser vitne.
Kjetil Vasby Bruarøytysdag 19. nov. 2013 09:16
Måndag mellom klokka 18.25 og 19.15 blei ein sølvgrå Mazda påkjørt på parkeringsplassen utanfor Os Næringspark.
– Om nokon har sett kva som skjedde håper vi at dei tar kontakt med oss, seier politioverbetjent Audun Hadler-Olsen.
Kvinna som eig bilen seier at det er spesielt interessant om eigar av einnyare, kvit Volvo tar kontakt.
– Bilen sto parkert sånn at dei som var på tredemøllene på Sprek og Blid i denne perioden kan ha sett kva som skjedde, fortel kvinna.