Køyrde utfor i narkorus

I 5.30-tida natt til ein måndag i slutten av juni 2014 køyrde ein mann i grøfta på Drange.

Blodprøve tatt i etterkant viste at førar hadde amfetamin og klonazepam tilsvarande over 1,2 promille i blodet.

Han hadde òg cirka to gram amfetamin på seg.

Mannen, som er i 30-åra, familiefar og i fast arbeid, blei sikta for både køyring i rus og oppbevaring og bruk av narkotika.

Sikta møtte i retten og tilsto.

Han blei dømt til 25 dagar fengsel på vilkår og 50.000 kroner i bot. Han må òg tola to år utan førarkort, ei straff som snart er fullbyrda, og må ta full ny førarprøve for å setja seg bak rattet igjen.