Køyrde med luka open
Politiet: Kystbussen med bagasjeluka open. Mann braut besøksforbod. Ingen rusa i trafikken.
Politiet fekk i 1630-tida torsdag ettermiddag melding om at ein av kystbussane køyrde med bagasjeluka open.
– Den blei innhenta og stoppa av ei patrulje frå UP.
– Så vidt eg veit skal ikkje noko bagasje ha ramla ut, fortel politioverbetjent Audun Hadler-Olsen ved Os lensmannskontor.
Braut besøksforbod
Ein mann i 30-åra måtte i 21-tida bli henta av politiet på ein institusjon i Os.
– Han hadde fått forbod mot å oppsøka institusjonen.
– Då han likevel gjorde det måtte patrulja ut og fjerna han. Han vil bli meldt, seier politioverbetjenten.
Ingen rusa
Politiet hadde òg ein trafikkontroll med fokus på rus torsdag ettermiddag.
– I 1830-tida sto vi på Søfteland.
– 34 bilførarar blei kontrollerte. Alle var edrue og hadde alt i orden, avsluttar Hadler-Olsen.