Politi | 10. des. 2023
Køyrde fort nok til fengselsstraff
Målt til 137 km/t.
Kjetil Vasby Bruarøysundag 10. des. 2023 09:09
Politiet hadde fartskontroll i 80-sona på E39 Halhjemsvegen laurdag kveld.
– Det blei skive ut 17 forelegg, opplyser politioverbetjent Atle Birkeland.
Éin av dei køyrde i 110 km/t, noko som fører til 12.100 kroner i forelegg og tre prikkar på førarkortet.
Ein annan mista førarkortet.
Vedkomande blei målt til 137 km/t i 80-sona.
Ved 130 km/t ventar det samfunnsstraff, ved passerte 136 km/t blir det fengsel.
Birkeland fortel at det, trass julebordsesong og fleire russeslepp i går, var ein roleg kveld for politiet.
