Køyrde borti ein garasje
Uhell på Søfteland, flaks på Os og påkøyrd hjort i Lysefjorden.
Klokka 17.12 måndag ettermiddag fekk politiet melding om eit trafikkuhell på Søfteland.
– Det viste seg at ein trailer hadde køyrd borti ein garasje. Ingen personar blei skadd, og det blei inga politisak, men patruljen på staden hjelpte til med utfylling av skademelding, opplyser politioverbetjent Anne Lyssand.
I 16.30-tida på ettermiddagen fekk politiet melding om funn av mobiltelefon på ein buss i Os. Vedkomande ville levera telefonen til politiet i dag, tysdag.
På morgonen i går, klokka 07.38, fekk politiet melding om påkøyrd hjort på Lyseklostervegen.
– Hjorten sprang frå staden. Meldar er uskadd, men har fått ein bulk i bilen. Viltkontakt er varsla for oppfølging, i tilfelle dyret er skadd.
