Kongshaug gjorde reint bord
VIDEO – UKM i Oseana: Elevar frå Kongshaug Musikkgymnas stilte med tre innslag, og gjekk vidare med alle.
Bildeserie:
Søndag var det tid for lokalmønstring i Oseana, også i år med Fusa og Os samla.
Her kan du sjå innslaga frå Fusa som blei sendt vidare.
Ungdomar frå Os stilte med 2 kunstutstillingar og 16 sceneinnslag, der 15 var musikk, 1 var dans.
SJÅ VIDEO AV ALLE NEDST I ARTIKKELEN
Her er liste over alle deltakarane.
• Annika Svendal Os gjekk vidare med tre av dei flotte teikningane sine.
• 5 av 15 musikkinnslag blei sendt vidare.
1. Sevin Kadir song Seven Nation Army.
2. Mathias Thingbø song Anthem.
3. Eirik Hodneland spelte låta Choro på klassisk gitar.
4. Anney Niyokindi song Amazing Graze.
5. Von Hedelberg Trio stilte med to låtar, To the mountains og Purple Carpet. Medlemmar i "trioen": Bjørn Helge Gammelsæter (tangentfjøl), Håkon Skarding (trommer), Jeroshan Alexander (bass), Kristen Kvalheim (gitar) og Martin Haukedal (gitar).
Tre av dei fem er frå Kongshaug, Sevin Kadir og Eirik Hodneland er frå Os. Eirik har nyleg flytta til bygda frå nabokommunen i sørenden av Halhjem-Sandvikvåg-sambandet.
Etter at alle innslaga hadde blitt vist, medan juryen bestemte seg, fekk vi underhaldning ved Urørt-fenomenet Aurora Aksnes og fersk Spellemannspris-vinnar Gina Aspenes.
Showet blei stødig leia av Andreas Lindborg, festivalsjef for nedlagte Søfteland Rock N LOL.
VIDEO (09:20): Her ser du litt av alle innslaga på UKM for Os og Fusa.
(Foto/klipp: Kjetil Vasby Bruarøy)