Brann og beredskap | 02. des. 2024
Kommenterer branntillaupa: Har nokre namn på lista
Skal ha skote opp fyrverkeri før det tok fyr i ein konteinar.
Kjetil Vasby Bruarøymåndag 02. des. 2024 11:07
Søndag litt før klokka 18 var det eit branntillaup i Giskavollen Parkering.
Parkeringshuset blei fylt med røyk.
– Politiet var ikkje på staden, men det skal ikkje ha vore skade på verken personar eller bilar, seier politioverbetjent Atle Birkeland.
Ein time seinare kom det melding om branntillaup i ein kleskonteinar på Halhjem. Då var politiet allereie på veg.
– Vi rykte ut på melding om ungdomsfest og bruk av fyrverkeri på ei adresse. Rett etterpå kom det melding om branntillaupet i konteinaren.
Politiet kom i kontakt med vitne på staden.
– Vi har namn på nokre ungdomar som truleg har vore involvert, og opprettar sak.
