Kolskogen til OBOS-ligaen

Ole Martin Lekven Kolskogen blir yngstemann i Åsane sin tropp neste sesong i OBOS-ligaen.

Det blei klarte då at han i 19-tida i kveld signerte kontrakt med klubben.

– Ole Martin er ein veldig spennande spelar, og har verkeleg kome langt i forhold til alderen. Han er aggressiv i spelestilen, viser kraft og er slett ikkje beskjeden i duell mot eldre og tyngre spelarar, seier hovudtrenar Mons Ivar Mjelde.

Sportssjef Trond Bjørndal seier det er spesielt tre ting Kolskogen har utmerkt seg med i løpet av tre veker prøvespel før juleferien tok til:

– Han er god på posisjonsspel, på vala han tar og på måten han er tilstades i treningsarbeidet sitt.

– Det er sjeldan vi signerer spelarar i denne alderen, legg Bjørndal til.

Med mål om «ein del» speletid

Det var etter Os sitt nedrykk til 4. divisjon at G16-landslagsspelaren måtte sjå seg om etter ny klubb for å få matching på høgare nivå.

Inntil han får tillit på førstelaget kan Åsane 2 i Os si naboavdeling vera alternativ kamparena.

– Åsane har òg eit godt G18-lag, men vi har førebels ikkje diskutert kamparena. Eg føler det har gått fint desse tre vekene, og LED tilbakemeldingar frå Bjørndal og Mjelde etter kvar einaste trening føler eg òg at eg har blitt sett, at eg har fått vera her av ein grunn, seier Ole Martin.

– Eg håper både på debut i OBOS og at eg får ein del speletid på førstelaget i 2018.

Det er ikkje urealistisk, ifølgje både sportssjef og trenar.

– Han har gjeve eit godt inntrykk, og om han har fin progresjon i vinter kan OBOS vera eit nivå han vil meistra, seier Bjørndal.

Kolskogen blir lagkamerat med to andre osingar, Simen Helland Lassen og Fredrik Heggland.

Sjølv var han, mellom landslagsøktene i sommar, blitt varm i trøya på A-laget til Os då han i haust måtte finna ny klubb.

– Eg var klar for å halda fram i Os, men er sjølvsagt veldig nøgd med at Åsane vil ha meg. No ser eg fram til å bli betre kjent med dei komande medspelarane mine. Dei eg har snakka med til no har vore veldig hyggelege, seier den talentfulle og flittige 16-åringen.